ශ්රී සම්බුදු තෙමගුල සිහිපත් කර, ශ්රී සම්බුද්ධ වර්ෂ 2570 වූ වෙසක් පුන් පොහොය දිනය තේමා කරමින් ඇරඹි වෙසක් සතිය වෙනුවෙන් විශේෂ බෞද්ධ ආගමික වැඩසහන් මාලාවක්, සිවිල් ගුවන්සේවා ක්රීඩා හා සුබසාධක සංගමය විසින් සංවිධානය කරන ලදි.
සිවිල් ගුවන්සේවා ක්රීඩා හා සුභසාධක සංගමයේ ගරු සභාපති, සිවිල් ගුවන්සේවා අධ්යක්ෂ ජනරාල් සහ ප්රධාන විධායක නිලධාරි කපිතාන් දමින්ද රඹුක්වැල්ල මහතාගේ මගපෙන්වීම මත ක්රියාත්මක වූ මෙම වැඩසටහන් මාලාවට සුමධුර ධර්ම දේශණයක් සහ වෙසක් බැති ගී සරණියක් අන්තර්ගත විය.
ගෞතම බුදුන් වහන්සේගේ අසිරිමත් තෙමඟුල සිහිපත් කරමින්, එහි අර්ථාන්විත බව පිළිබදව පැවති සුමධුර ධර්ම දේශනාව කටුනායක ශ්රී බෝධිරථනාරාමාධිපති, ශාස්ත්රවේදී පූජ්ය අමන්දොළුවේ ධම්මරතන ස්වාමීන් වහන්සේගේ ගෞරවනීය වැඩමවීමෙන් පැවැත්විණ.
ඉන් අනතුරුව පැවති වෙසක් බැති ගී සරණිය, ශ්රී ලංකා සිවිල් ගුවන් සේවා අධිකාරියේ කාර්යමණ්ඩල විසින් ඉදිරිපත් කිරීම විශේෂත්වයකි.
මෙම අවස්ථාවට ශ්රී ලංකා සිවිල් ගුවන් සේවා අධිකාරියේ සභාපති සුනිල් ජයරත්න, සිවිල් ගුවන්සේවා අධ්යක්ෂ ජනරාල් සහ ප්රධාන විධායක නිලධාරි කපිතාන් දමින්ද රඹුක්වැල්ල යන මහත්වරුන් ඇතුළු සමස්ථ කාර්යමණ්ඩලය සහභාගී විය.
මෙවැනි වැඩසටහන් සංවිධානය කිරීම තුලින් කාර්යමණ්ඩලය අතර ආධ්යාත්මික ගුණධර්ම ප්රවර්ධනය කිරීම සහ වෙසක් උත්සවයේ අර්ථාන්විත බව සමාජගත කිරීම සිවිල් ගුවන්සේවා ක්රීඩා හා සුභසාධක සංගමයේ අරමුණයි.
